Fried Banana

ညနေခင်းဆို ဟိုဟာ စားချင်သလို ဒီဟာစားချင်လိုစိတ်တွေ ဖြစ်နေလား ချစ်မိတ်ဆွေတို့ရေ …

မီရှဲ Foodie Pyayt – ဒေါ်ပြည့်လက်ရာ က လုပ်ပြတဲ့ ငှက်ပျောသီး ဂျုံကြော်ကို ကြော်ပြထားပါတယ်။ မုန့်လုပ်စားရတာကို စိတ်မရှည်တဲ့မီရှဲအတွက် မုန့်ကိုနယ်ရတာ၊ မုန့်ရလာဖို့ စောင့်ရင်း မေ့သွားလို့ ပစ်လိုက်ရတာလည်း မနည်းဘူး။ ဆေးရကြောရတာ ပိုတောင်မကြိုက်သေး။ ဒါကြောင့် မပြည့်ကြော်ပြတဲ့အချိုးအစားကိုမှ မီရှဲအလွယ်လမ်းလိုက်ပြီး ကြော်လိုက်ပါတယ်။ ဒါမျိုးက ကြော်မရောင်းဘူး၊ ပူပူလေးစားမှကောင်းတာဆိုတော့ လုပ်စားတာ။ မပြည့်လောက်တော့ မကောင်းပေမဲ့ ဗိုက်ထဲရောက်ဖို့ အဓိက မလား။

ကဲ ကြော်ဖို့ပါဝင်ပစ္စည်းစုကြမယ်

• ငှက်ပျောသီး ၂လုံး (မှည့်လေ ကောင်းလေ)
• သကြား ၂ဇွန်း (အချိုကြိုက်ရင် ပိုထည့်)
• ဂျုံ ၇ဇွန်း
• ထောပတ် ၂ဇွန်း
• Baking Powder ၂/၃ ဇွန်း
• ဆား ၁/၄ ဇွန်း

မပြည့်ရဲ့ အသေးစိတ်နည်းလမ်းကတော့ ဒီလင့်ထဲမှာ ကြည့်လို့ရတယ်။ (https://fb.watch/885TBjIAoM/ ) မီရှဲလုပ်တာကတော့ တစ်ပုံချင်းစီ ကြည့်ပေးနော် …။