Your guide to Hair care

ရှည်တဲ့ဆံပင်ကိုမှ ဆေးထိထားတော့ ဆံပင်အဖျားတွေဆို ငြိပြီး ရှင်းရခက်တာ ခဏခဏကြုံတယ်။ ဒီကြားထဲကို Stress ကြောင့်ရော၊ ကိုဗစ်နဲ့ရောပြီး ကျွတ်တာမှ အထွေးလိုက်။ အဲ့ဒီကြားထဲကမှ ဆံပင်ကျွတ်သက်သာဖို့၊ ဆံပင်အရှည်ကို အချိန်အကြာကြီး ထားနိုင်အောင် ဘယ်လိုထိန်းသိမ်းလဲ ပြောပြချင်ပါတယ် ….

တစ်ပုံချင်းစီသာ ကြည့်ပေးနော် …။

ဆံပင်ပုံမှန်ထက်ပိုကျွတ်တယ်ခံစားမိရင် Kanimonoto ကိုဖြန်းပါတယ်။ သူရဲ့ စပရေးဘူး သပ်သပ်ဝယ်ပြီး ထည့်ဖြန်းမှ သုံးရလွယ်တယ်။ ဆက်တိုက် တစ်ပတ်လောက်သုံးပြီးရင် အမွေးနုလေးတွေ အများကြီးထွက်လာတယ်။ မီရှဲခေါင်းလျှော်ပြီးချိန်သုံးတယ်။ ဆံပင်ကျွတ် သက်သာတာလည်း သိသာတယ်။

မကောင်းတာက တစ်ဘူး ၂၈၀၀၀ ကနေ သုံးသောင်းကျော်တယ်။ ခဏခဏဖြန်းရင် ကုန်တာမြန်လို့ တြိရတနနဲ့ အလှည့်ကျသုံးပေးတယ်။ နှစ်ခုလုံး တစ်ခါတည်းသုံးမိရင် ဦးရေစပ်ဖျဉ်းဖျဉ်းဖြစ်တယ်။ Nadi Yoon Htike ဆီကနေ ဝယ်လို့ရတယ်။

ခေါင်းမလျှော်ခင်ဆို အုန်းဆီ သို့ သံလွင်ဆီကို အမြဲလိမ်းပြီးမှ ခေါင်းလျှော်တယ်။ ဆံပင်အရင်းကို လိမ်းရင် ဆီဝပြီး ပိုကျွတ်တတ်လို့ အဖျားပဲ လိမ်းရပါတယ်။

ခေါင်းလျှော်ပြီးရင် ဆံပင် မခြောက်တခြောက်အချိန်မှာ hair-coat လိမ်း။ ပြီးမှ ဆံပင်ခြောက်အောင်မှုတ်ရင် ဆံပင်သားပြောင်လတ်နေရော …။ hair-coat က ကြုံရာသုံးတာများတယ်။ ကပ်စေးကပ်စေး မဖြစ်ရင် ရပြီ။

ခေါင်းလျှော်ရည်က ဆံပင်ထိန်းသိမ်းတဲ့နေရာမှာ အရေးကြီးတယ်။ ကောင်းလဲကောင်းရမယ်၊ ဘက်ဂျက်လည်းကြည့်ရသေးတယ်နော့။

မီရှဲ ပုံမှန်သုံးနေတာဆို Dove ရှိတယ်။ ဆံပင်အပူချောင်းနဲ့ ကောက်ထားမိရင် သုံးတယ်။ အဖျားခြောက်တာ နည်းသွားတယ်။ ပျော့ဆေးနဲ့ တွဲသုံးရင် ပိုသိသာတယ်။

ဆံပင်ကျွတ်တာများတယ် ခံစားမိရင် Yves Rocher ထဲက ဆံပင်အုံထူစေတဲ့ Volume & Matiere အမျိုးအစားရွေးသုံးတယ်။ လျှော်ပြီးရင် အုံထူသလို အရင်းနားက ပွပွလေး ဖြစ်နေတယ်။ ဒီ ဒီဇင်ဘာဆို sale ချရင် ၁၁၀၀၀ ကနေ ၁၃၅၀၀ လောက် စျေးရှိတယ်။ ကျန်တဲ့အချိန်ဆို ၁၈၀၀၀ လောက်ရှိတယ်။

Zumi က စမ်းသုံးတာမကြာသေးဘူး။ ခေါင်းတစ်ပတ်လောက် မလျှော်မိတဲ့အချိန် ဂျီးထူနေတဲ့အချိန် လျှော်မိရင် ခေါင်းတော်တော်ပေါ့တာ။ ဆံပင်လည်း အရမ်းမကျွတ်ဘူး။ စျေးလည်း ၁၈၀၀၀ လောက်ပဲ။

Kanimonoto shampoo နဲ့ ပျော့ဆေးကတော့ တစ်ခါတစ်လေမှသုံးဖြစ်တယ်။ ဆေးနံ့ရလို့။ ဒါပေမဲ့ ကိုဗစ်ဖြစ်အပြီး ဆံပင်ကျွတ်ချိန်တုန်းက သူနဲ့မှ သက်သာသွားတယ်။ သိပ်မကျွတ်တော့တဲ့အချိန်ကျမှ အပေါ်က တံဆိပ်တွေ ပြန်ပြောင်းသုံးတာ။ စျေးက နှစ်ဘူးပေါင်း သုံးသောင်းကျော်ဖြစ်မယ်။ စျေးက ဘောက်ချာပြန်ကြည့်ရမယ်။ မမှတ်မိတော့ဘူး။

ဘာမှမဟုတ်ဘူး ထင်ရပေမဲ့ ကိုယ်ပတ်တဘတ်ကို ခေါင်းသုတ်ရင် ဆံပင်ငြိတာ ပိုဆိုးတယ်။ ရေလဲ ထင်သလောက်မစုပ်တော့ အကြာကြီး ခေါင်းပေါင်းမိရင် ဇတ်ညောင်းတာပဲ အဖတ်တင်တယ်။

ဒီရေစုပ်တဘတ်က ရေစုပ်မြန်တော့ ခေါင်းလျှော်ပြီး ပေါင်းထား၊ ရေသုတ် အဝတ်လဲ lotion လိမ်း ဘာညာ လုပ်ပြီးချိန်လောက်ဆို ရေတစ်ဝက်လောက်ခြောက်နေပြီ။

ဖေ့စ်ဘုတ်မှာ ရေစုပ်တဘတ်လို့ရိုက်ရှာပြီး ဝယ်ရင်တောင်ရတယ်။ စျေးက လက်ကားစျေး ၁၅၀၀ ကနေ လက်လီစျေး ၃၀၀၀ ထိရောင်းကြတယ်။ စျေးအရမ်းကြီးတဲ့အမျိုးအစားနဲ့ သိပ်မကွာဘူး။ စျေးပေါတာပဲဝယ် …။

ဘီးကတော့ Tangle Teezer တံဆိပ်ကိုတော့ ဘယ်ဘီးကမှ မမှီတာပါ။ လက်ကိုင်အရှည်နဲ့ဟာဆို ဆံပင်ရှင်းရင် မပါမဖြစ်ပဲ။ ရှင်းတဲ့အခါ တခြားဘီးတွေလို အရင်းက ဆံပင် တစ်ပင်ချင်းတင်းပြီးနာတဲ့ ခံစားချက်မရဘူး။ မိတ်ကပ်ဆရာဆီသွားရင်တောင် ယူသွားရတဲ့ ဘီးပါ။ ပန်းဆီရောင်ကတော့ ခရီးသွားရင် ထည့်သွားတယ်။

စျေးများတယ်  ၂၈၀၀၀ ဆိုတာ ရောင်းသမျှထဲ အနည်းဆုံးပဲ။ ၂၈၀၀၀ – ၃၃၀၀၀ ဝန်းကျင်ရောင်းကျတယ်။ ဆံပင်ရှင်းရလွယ်တယ်၊ တစ်ခါပဲ ဝယ်စရာလိုတယ်လို့ တွေးပြီး ဝယ်ခဲ့တာပဲ။

Sugar Bear Hair က ဆံပင်အုံထူလာတာ ရက်ပိုင်းအတွင်း သိသာတယ်၊ စျေးများတယ်၊ အဆီဖုထွက်လာတယ်၊ ရေများများသောက်ပေးရတယ်၊ စားတဲ့အခါ အရမ်းချိုတယ် ခံစားရတယ် ( မီရှဲအချိုသိပ်မစားလို့)

Soulmate က နှစ်ပတ်လောက်ဆက်တိုက်သောက်မှ သိသာတယ်၊ စျေးသင့်တယ်၊ အဆီဖု မထွက်ဘူး၊ အချိုမကဲဘူး (ချိုတာတော့ ချိုတုန်းပဲ)